Osmon deganda koinotning sayyoramizdan ko'rinadigan qismiga aytiladi. Osmon bir qattiq, jips narsa emas, u - fazo. Kosmik kemalar osmonga uchayotib, unga borib urilmaydi. Lekin diniy manbaga binoan, osmon qulab tushmaydigan tom ekan. Ya'ni osmon - tom; uy, garaj, maktab binosi tomiga o'xshash qattiq materialdan yasalgan qatlam. "Qulab tushmaydigan" deb odamlarni tinchlantirmoqchi (o'tmishda odamlar "osmon qulab tushadi" deb qo'rqishar edi).
Savol:
Nega diniy manbada osmon haqida katta xato yozilgan?
Javob:
Bu
diniy manba qadimgi afsona va rivoyatlarga asoslangan. Xudodan kelmagan.
Agar diniy manba rostdan ham xudodan kelganida edi, unda osmon, fazo, koinot nimaligi bexato tushuntirilgan bo'lur edi.
Оламлар роббиси бўлган, Устунсиз осмонларни яратган Аллохга хамду санолар бўлсин, Аллоху акбар.
ReplyDeleteСиздан сўрайдиган нарсам шу-ки, илтимос ўзингиз тушунмаган, шуурингиз ангалб етолмаган нарсага аралашмасангиз.Сизнинг осмон ва том хақида ёзган тарифларингиз кулгули ва айни вақтда аянчли хам. Қуронда қайд қилинган том сўзи осмонни космик фалокатлардан сақлаб қолиш функсиясига қиёслаб кўчма манода ишлатилганини тушиниш фаросат эгалари учун қийин эмас. Том хам инсонни ёмғир бўрондан асрайди. Қурон 1400 йил олдин илмсиз араблар, яъни жохилят даврида нозил бўлгани учун хам содда ва равон тилда тушунтирилган. Агар қурон бугунги замонда нозил бўлганда эди мураккаб кўринишда илмий тилда бўлар эди.Сиз ва сиз кабилар муқаддас ислом динини булғай олмайсиз, зеро бунга қодир хам эмассиз. Тўғри дин эркинлиги (виждон эркинлиги) юртимизда қонун билан мустахкамлаб қўйилган конститутсион хуқуқ бўлсада,хар қандай динни тахқирлаш ва уни йўққа чиқаришга хаққингиз йўқ. Аллох хува ва таоло Қурон ва Исломни қиёматга қадар пок ва тўғрилигича сақлашга вада бергандир. Зеро Аллохнинг вадаси муқаррадир. Аставзубиллах, Аллоху акбар! Шундай бўлсада, осомонлар тўғрисида туркиялик олимнинг рисоласидан дунё тан олган китобидан мисоллар келтиришни лозим топдим:
1.АТМОСФЕРА ҚАТЛАМЛАРИ Коинот ҳақида Қуръон оятларида хабар берилган далиллардан бири - осмоннинг етти қатламдан ташкил этилганлигидир. У шундай зотки, сизлар учун Ердаги барча нарсаларни яратди. Сўнгра само сари «турди-да», уни етти қават осмондан иборат қилиб қўйди. У барча нарсани билувчи(доно)дир. («Бақара» сураси, 29-оят) Сўнгра тутун ҳолатда бўлган осмонни (яратишни) қасд этди. Бас, икки кунда етти осмонни барпо қилди ва ҳар бир осмонга (унга буюрилган) ишни (вазифасини) ваҳий қилди. («Фуссилат» сураси, 11-12-оятлар) Қуръоннинг бир қанча оятларида учрайдиган «осмонлар» сўзи ернинг юқорисидаги осмонга ҳамда бутун коинотга нисбатан ишлатилган. Мазкур сўзнинг берилган бу маъносидан шу нарсани англаш мумкинки, Ернинг осмони ёки атмосфераси етти қатлам қилиб яратилган. Ҳақиқатан ҳам, бугунги кунда шу нарса маълумки, бизнинг дунёимизнинг атмосфераси бирбирининг устида ётувчи турли қатламлардан иборат.20 Кимёвий таркиблар ёки ҳаво температура мезонларига асосланган таърифлар Ер атмосферасининг етти қатламдан иборат эканлигини таъкидлайди. «Чекли нозик Тўр модели» (об-ҳаво ҳолатларини 48 соат учун аниқлаб берадиган атмосфера модели) га кўра атмосферанинг ҳам етти қатлами бор.
2.Қуйида қайд этилган оятлар атмосфера етти қатламининг
кўриниши ҳақида бизга маълумот беради: Кўрмадингизми, Аллоҳ етти осмонни қандай қаватма-қават қилиб яратди. («Нуҳ» сураси, 15-оят) (У) етти осмонни қатма-қат қилиб яратган зотдир, ... . («Мулк» сураси, 3-оят) Бу оятларда ўзбек тилига «қаватма-қават, қатмақат» деб таржима қилинган «тибаақ» арабча сўзи «қатлам, мос қоплама ёки бирор нарса учун жилд» маъноларини англатади ва бу юқоридаги қатлам қуйироқдагисига қандай мувофиқ мослаштирилганлигига урғу беради. Ушбу сўз бу ерда ҳам кўплик шаклида ишлатилган. Осмоннинг оятда қатма-қат
деб тасвирланганлиги, шубҳасиз, атмосфера ҳақида билдирилган жуда мукаммал иборадир. XX аср технологияларисиз кашф қилишнинг имкони бўлмаган бу ҳақиқатлар ҳақида 1400 йил муқаддам Қуръони Каримда муфассал хабар берилиши улкан бир мўъжизадир.
3.ЯХШИ ҲИМОЯЛАНГАН ОСМОН
Қуръонда Аллоҳ бизнинг эътиборимизни осмоннинг жуда бир муҳим хусусиятига тортади: Осмонни сақланиб турувчи том қилиб қўйдик. Улар (мушриклар) эса уларнинг аломатларидан юз ўгирувчидирлар. («Анбиё» сураси, 32-оят) Осмоннинг бу хусусияти XX асрда амалга оширилган илмий тадқиқотлар орқали исботланди: Ерни ўраб турган атмосфера ҳаётнинг давом этиши учун аҳамиятли
функцияларни бажаради. У Ерга яқинлашиб келган кўплаб
катта-кичик метеоритларни йўқ қилиб, уларнинг Ерга қулаб
тушишини бартараф қилади. Бундан ташқари, атмосфера жонзотларга зарарли бўлган, космосдан кириб келувчи ёруғлик нурланишларини фильтрлайди.
>Мазкур сўзнинг берилган бу маъносидан шу нарсани англаш мумкинки, Ернинг осмони ёки атмосфераси етти қатлам қилиб яратилган.
DeleteBirinchidan, Qurondagi osmon so'zi ostida aynan atmosfera nazarda tutilgan bo'lsa, Oy, Quyosh va yulduzlar ham atmosferamizda ekan-da:
Аллоҳ етти осмонни қандай устма-уст қилиб яратганини ва ойни улардаги нур-ёруғлик қилиб, қуёшни эса (нур сочгувчи) чироқ қилиб қўйганини кўрмадингларми?! (Nuh:15-16)
Дарҳақиқат Биз энг яқин осмонни юлдузлар билан зийнатладик. (Vas-saffot:6)
Ikkinchidan, atmosfera shartli qatlamlarga bo'linadi, asosiy qatlamlar: 1) troposfera, 2) stratosfera, 3) mezosfera, 4) termosfera, 5) ekzosfera. Yana qo'shimcha qatlamlar: ozon, ionosfera, magnitosfera, homosfera, heterosfera, sayyoraviy chegara qatlami (planetary boundary layer) va hk. Ko'rib turganingizdek, yettita emas.
> Ерни ўраб турган атмосфера ҳаётнинг давом этиши учун аҳамиятли функцияларни бажаради. У Ерга яқинлашиб келган кўплаб катта-кичик метеоритларни йўқ қилиб, уларнинг Ерга қулаб тушишини бартараф қилади.
Dinga berilib ketib, Chelyabinsk meteori, Tunguska meteori, Yukatan asteroidi kabi osmon jismlarining Yerga qulagani haqida eshitmay qolibsiz-ku.
Diningiz osmonni qattiq bir tom, deb o'ylashiga yana oyatlar keltiray-ki, shubhangiz tarqalsin:
Агар Биз хохласак, уларни ерга юттириб юборурмиз ёки осмонни устларига парча-парча қилиб туширурмиз. (Saba:9) - osmon qattiq bo'lmasa, qanday qilib parcha-parcha tushadi?
Ахир улар устларидаги осмонни — Биз уни қандай бино қилиб, безаб қўйганимизни ва унинг тешик-ёриқлари ҳам йўқ эканлигини кўрмадиларми?! (Qof:6) - "teshik-yoriq" atamasi tomga nisbatan ishlatiladi.